Hi,係我呀,本來本毒基於又懶又宅既關係,自從上一篇點評完A/Z(其實未睇過既可以睇埋: 傳送門)之後都無再寫過下字,今日突然心血來潮想推介下一隻2個月前已經出左既「新」GAME,個名叫Bloodborne,點解要成2個幾月先去介紹呢隻GAME呢?捌除本毒懶既因素之外,呢隻GAME係一隻劇情量非常豐富既硬派遊戲,咁想玩既一早就玩哂,咁曾經十五十六諗過好唔好買呢隻GAME又或者好唔好因為呢隻GAME而出機既你,希望睇完呢篇推介之後會試下玩啦。
咁首先簡介下呢隻GAME既故事先啦,故事就講述主角-亦即係你,因為身患怪病就黎到一個叫雅南(ヤーナム)既地方,咁呢個地方就係出名用血醫病,而且當地都有一種叫獸化病既怪病,話說某個夜晚,獸化病既病人就會失去理性變成怪物去攻擊其他人,之後就有班叫獵人既人就專門去狩獵呢班獸化左既怪物,咁主角就黎到呢度醫病不得止仲比人叫左去做獵人,如是這般主角就突然做左獵人啦。
左圖為其中一個變成怪物既村民示意圖
咁身為主角,諗落狩獵村民應該係毫無難度啦,點解呢隻GAME會係硬派遊戲呢?實情係其係主角都係人,村民又係人,咁身體素質其實係一樣既,即係你可以兩拳就打底一個普通村民,而普通村民都係兩拳就打底你,咁主角有咩特別呢?答案係無特別!除左你有身為玩家既智慧之外,你同街邊既一個村民係無分別既,而且村民有好多個,而你就得一個。而且上圖可以見到變左怪物既村民唔係人咁品(內心OS:根本已經唔係人)。
主角(左)與2個村民對峙中
除左遊戲性硬派,故事都好硬派,Bloodborne故事內容係取材先克蘇魯神話加入大量哥德式黑暗風格編織而成既,而遊戲中可以搵到好多同克蘇魯神話相似既怪物同描述,例如奈亞(子)拉托提普之類出名既怪物原形都會出現係遊戲入面。
值得一提既係故事描寫方面,Bloodborne描述故事係用每個角色或者道具既片言隻語去介紹成個故事,如果大家只係想做一個獵人打打殺殺係絕對可以既,因為Bloodborne好少地方會停頓講故事,好多角色互動同事件都需要玩家用想象力同聯想力將所有片言隻語去重組成為一個完整既故事。
左圖為其中一件重要道具
到最後,Bloodborne有一個機制係比本身想睇故事,但係又對呢類遊戲唔上手既你,就係連線系統,你可以搵你既好朋友/街外人協助你戰鬥,就算自覺手殘都可以輕鬆過關。
假如呢篇簡介可以吸引到你去玩既話,我相信有朝一日我地可以係遊戲中相遇(入侵)。
願良血引導你
